По повод денот на пожарникарството во Република Македонија – 20 Мај, со цел свечено обележување на истиот, Противпожарниот сојуз на Македонија на 27.05.2015 година одржа тактчко показна вежба на висорамнината Витачево, на оддалеченост од околу 25 километри од Кавадарци.
Подготовките за вежбата ПСМ ги спроведуваше во соорганизација со Општинскиот против пожарен сојуз Кавадарци,Дирекцијата за заштита и спасување на Република Македонија, ТППЕ Кавадарци, ЈП Македонски шуми – Подружница „Бор“ Кавадарци и Локалната самоуправа на Општина Кавадарци.
Вклучените чинители делуваа на опожарена површина под шума од околу 20 ха и активен фронт во должина од околу 1 км. Меѓу останатите, во вежбата беа вклучени и Противпожарната единица на „ФЕНИ ИНДУСТРИ“, како и екипите на брзата помош и Црвениот Крст на Кавадарци.
