Во рамките на програмските активности и воспоставената традиција , Противпожарниот Сојуз на Македонија ( ПСМ ) , во соработка со Градскиот противпожарен Сојуз на Скопје ( ГППС ) и Општинските противпожарни Сојузи на Општините од Град Скопје ( ОППС ) , и оваа година ја организираше националната кампања за разбудување на свеста кај граѓаните за потребата од заштита на шумското богатство од пожари во текот на летниот период.
За оваа цел , на 15 Јуни организиравме ЈАВЕН НАСТАН – на градскиот плоштад
„ Македонија „ во Скопје со почеток во 11.00 часот.
Настанот се организираше во соработка со :
– Дирекција за заштита и спасување на Република Северна Македонија
– Јавно претпријатие „ Национални Шуми “,
– други општествени и јавни установи.
За време на 2 часовната кампања од одржувањето на настанот во центарот на Скопје , активисти и доброволни пожарникари делеа флаери со информативна содржина на минувачите низ централното градско подрачје на кои се претставени начините на превенција и заштита од пожари на нашето национално богатство – Македонските шуми.
Оваа кампања како цел од активностите на ПСМ ќе продолжи со реализација и во други градски средини низ Македонија , каде планираме да поделиме повеќе од 25.000 флаери.
Противпожарниот Сојуз на Македонија , активно ќе се вклучи и во други кампањи кои ја третираат потребата од разбудување на свеста кај сите нас за вредноста на националното шумско богатство и сите општествени и приватни добра со кои располага нашата држава.