11.06.2010 год., Градски плоштад-Скопје: Кампања за заштита на шумите и други отворени простори од пожари
На ден 11.06.2010 год. на Градскиот плоштад во Скопје, со почеток во 11:00 часот, Противпожарниот сојуз на Македонија и Дирекцијата за заштита и спасување на Република македонија спроведоа кампања под наслов: Уживајте во благодетите на шумата, немој да ја палите!
Во кампањата учество зема и Ј.П. “Македонски шуми“. За таа цел, на Градскиот плоштад беше поставен штанд со пропаганден материал (флаери и постери), кои од страна на активисти на ПСМ и вработени во ДЗС беа делени на минувачите.
Голем број од минувачите се задржуваа на штандот и поставуваа прашања во однос на кампањата.
Беа поделени околу 500 флаери и 40 постери.
На Кампањата присутни беа и претставници од голем број печатени и електронски медиуми, за кои изјави дадоа директорот на ДЗС Г-дин Шабан Салиу и Претседателот на ПСМ Проф. д-р Никола Николов.