Новоизбраниот Управен Одбор на Противпожарниот Сојуз на Македонија , на 4 Мај 2022 година ја одржа својата прва седница во полн состав.
На седницата , членовите на управниот одбор извршија верификација на избраните членови и го проследија излагањето на претседателот на ПСМ , Зоран Кооски кој ја презентираше содржината за полугодишната програма за работа на ПСМ со истакнување на стратешките , оперативните и периодични цели.
Според презентираната 6 месечна програма за работа на Управниот одбор , Претседателот ги изнесе следниве цели стратешки цели :
– Анализа на моменталната состојба на мрежата на ОППС низ Македонија , активни ДППД и број на членови .
– Таргетирање на регионални центри , кои би ја превзеле координацијата на активности во регионот .
– Ребрендирање на Сојузот , со ново Лого , веб страна, и ознаки кои ја дефинираат позицијата на ПЦМ во секторот заштита и спасување.
– Соработка со Национални и локални медиуми .
– Кампања за подмладување на ДППД и ОППС.
– Национална Кампања за пријавување на доброволни пожарникари
– Решавање на проблемот со финансирањето на ПСМ, ОППС и ДППД.
– Иницирање на интернационална соработка на ПСМ со сродни организации од ЕУ и светот .
За оперативни цели во работењето на ПСМ беа детектирани :
– Враќање на позицијата на ПСМ и ОППС во системот за заштита и спасување во Македонија
– Средби со државни раководители , претставници на Владата и Министерствата , ДЗС, ЦУК , ЗЕЛС и Градоначалникот на град Скопје.
Како периодични цели на функционирањето на ПСМ беа утврдени :
– Организирање на национални кампањи за превенција и заштита од шумски пожари.
– Организирање на обуки за доброволни пожарникари
– Формирање на работни тела ( одбори ) на ПСМ.
Во рамките на оваа цел , Управниот Одбор на ПСМ иницираше формирање на работна група , која треба да го подготви предлогот за формирање на Одбори и Комисии кои ќе функционираа во рамките на статутарните одредби на ПСМ.
