На ден 24.04.2014 година во салата за состаноци на Советот на Град Скопје, се одржа Трибина на тема „Заштита од пожари во станбените згради – улогата на управителот, односно заедницата на сопственици“
Трибината ја организираше Противпожарниот сојуз на Град Скопје, а на истата присуствуваа вкупно 56 лица од кои 26 преставници од правните субјекти лиценцирани за вршење дејност управување со станбени згради и преставници од заедниците на сопственици во станбените згради, потоа преставници од правните субјекти кои што вршат дејност одржување на лифтови; ЕВН Македонија; од Град Скопје и општините од територијата на Град Скопје; ПП сојуз на Македонија; Регулаторно тело за домување; Државен комунален инспекторат; општинските ПП сојузи од територијата на Град Скопје и медиумите за јавно информирање.
Целта на организирањето на трибината беше во функција на подигањето на јавната свест за подобрување на состојбите со заштитата од пожари во станбените згради, како и за поактивното ангажирање на управителите, односно заедницата на сопственици за подобрување на состојбите, согласно Законот за домување и другите прописи.
Трибината се одвиваше така што најнапред беа застепени PowerPoint презентации на следните теми:
1. Актуелни состојби со заштитата од пожари во станбените згради и правната регулатива, презентер: Никола Бојковски – претседател на ПП сојуз на Град Скопје
2. Стандарди и нормативи на инсталациите и опремата за заштита од пожари во станбените згради, презентер: Зоран Нешкоски – дипл. инж. за заштита од пожари
3. Оперативно тактичките аспекти во услови на пожар во станбените згради,
презентер: Благоја Менковски командант на БППЗ Скопје – дипл. машински инжинер.
4. Сервисно одржување и контрплно испитување на опремата за заштита од пожари во станбените згради, презентер: Милан Клопчевски – дипл. инж. за зажтита од пожари
5. Позитивни практики во одржувањето на инсталациите и опремата за заштита од пожар во станбените згради, презентери: управители на станбени згради и на заедница на сопственици.
Покана за презентација беше испратена и до Дирекцијата за заштита од пожари со предлог тема: Инспекцискиот надзор во функција на подобрување на состојбите со заштитата од пожари во станбените згради, но немаше одзив нити учество на трибината.
На Трибината по презентациите беше развиена мошне богата и плодна дискусија при што беа дискутирани сите актуелни и акутни проблеми со заштитата од пожари во станбените згради, како пто се: одржувањето на ПП хидранти, ПП суви водови, противпаничното осветлување, громобранската инсталација, инсталацијата за алармирање, ПП апарати, ПП скали и ПП премини и сл. Беа истакнати проблемите со опремувањето на зградите со ПП опрема, чувањето на опремата, сервисното одржување и контролното испитување на истата, обуката на граѓаните за заштита од пожари и тн. На Трибината посебно беше потенцирана потребата за поголемо ангажирање на управителите и на заедниците на сопственици во станбените згради во планирањето и реализирањето на мерки и активности за подобрување на состојбите со одржувањето на заедничките делови и заедничките инсталации во станбените згради, во кои што припаѓаат и опремата и уредите за заштита од пожари. Во дискусиите посебно беше потенцирана потребата инспекцијата за заштита од пожари да врши инспекциски прегледи и во станбените згради и да презема законски мерки во функција на подобрување на состојбите.
Од Трибината известуваа три (3) телевизиски куќи, претседателот на ПСГС имаше интервју во емисија во живо, а два дневни весника (дневник и вечер) и повеќе радио станици имаа написи и прилози од Трибината.
Општа оценка е дека одржаната трибина ја постигна посакуваната цел да се актуелизира проблематиката со заштитата од пожари во станбените згради, во функција на подигањето на јавната свест за подобрување на состојбите, а самата Трибина беше безпрекорно организирана.