Јавната кампања се одржа на 16.06.2017 година во Скопје, на плоштадот Македонија. Организаторите беа: Противпожарниот Сојуз на Македонија, Дирекција за заштита и спасување и ЈП “Македонски шуми”. На штанд подигнат за таа цел беа изложени пропагандни материјали, а и слики од проектот СВАРОГ 2017. Материјалите, од страна на млади активисти на ОППС-и од Скопје и вработените на ДЗС и ЈП Македонски шуми, беа делени на минувачите, при што беше нагласувана потребата и значението на заштита на шумите од пожари. Кампањата беше медиски пропратена од голем број на ТВ куќи со локална и национална концесија.