ДПД „Видра” – Велес: Превентива, рано откривање и брзо локализирање на пожарите на езеро Младост – Велес
Со цел подигање на јавната свест на посетителите на езерото Младост, а во склад со активностите на ПСМ, ДПД „Видра”-Велес организира делење на пропаганден материал на посетителите на езерото од областа на заштитата на шумите од пожари. Заради поголема ефикасност подигнат е пункт, на кој е организирано дежурство за рано откривање на пожарите и интервенција за нивно брзо локализирање и гаснење. За подобра покриеност на теренот изградена е и набљудувачница од која се набљудува целокупната територија околу езерото. Во оваа активност вклучени се членови на Друштвото од сите возрасни категории и активноста ќе трае за време на сезоната на шумски пожари.