ДПД Богданци – Започна обуката на првата женска доброволна против пожарна екипа
На 17.03.2011 год, со почток во 18:00 часот, во просториите на ДПД “Богданци” започна обуката на првата женска доброволна против пожарна екипа, составена од 14 девојки. Со ова се отвара една нова страница во доброволното пожарникарство кај нас односно учеството на женскиот пол во заштитата од пожари нема да биде само во превентивата, туки и при директното гаснење на пожарите. На овој настан, покрај предавачите, присутни беа и: Градоначалникот на општина Богданци, претседателот на Противпожарниот сојуз на Македонија, родителите на членовите на екипата и други гости.
