Младите пожарникари волонтери во акција
Учениците од Основното училиште Тодор Ангелески од Горно Оризари, волонтери пожарникари во секцијата од ова училиште демонстрираа вежба на гаснење на пожар и спасување на ученици. Акцијата ја организираа во соработка на Територијалната против пожарна служба , волонтерската единица „Пегаз“, Црвениот крст, Службата за итна медицинска помош и СВР Битола.
Учениците членови на противпожарната секција од Основното училиште Тодор Ангелевски од г. Оризари демонстрираа вежба на гаснење на пожар и спасување на ученици во случај на пожар. На иницијатива на професорот по физичко воспитување формирана е секција на млади пожарникари волонтери која работи неколку месеци.
„По подолги разговори со учениците направивме една група и формиравме секција и по неколку месеци извршивме акција и решивме да ја споделиме и со јавноста “- вели Александар Ангелевски проф. По физичко во ОУ Тодор Ангелевски г. Оризари
Подигнувањето на свеста на граѓаните и како да се однесуваат при непредвидливи ситуации е основната цел на акцијата.
„Целта е да се подигне свеста на нашите граѓани и младите пожарникари да ги покажат своите активности во против пожарната заштита“ – изјави Драги Петревски – член на волонтерска противпожарна единица „Пегаз“.
Младите волонтери пожарникари акцијата ја изведоа со логистика од Територијалната противпожарна единица од Битола како и Црвениот крст,службата за итна медицинска помош, СВР Битола и невладината Сфера. Инаку интересот кај младите волонтери пожарникарти е голем, а тоа го потврдува фактот што на почетокот биле 15 ученици, за сега бројката да се зголеми на 35 волонтери.
