Од 14-15 мај 2011 година, во детското одморалиште „Копанки“ – Битола, се организираше средба (кампус) на пожарникари-волонтери, во којa учество зедоа 136 млади пожарникари.
Овој настан беше под покровителство на Општина Битола, а организиран од страна на ДПД Пегаз – Битола и ТППЕ Битола. На средбата учествуваа повеќе доброволни друштва во Македонија и тоа : ДПД Пегаз Битола, НВО Сфера- Битола, ДПД Богданци, ДПД Св. Николе, ОППС Пробиштип, ДПД Бајрам Мифтари – Скопје, ДПД Брвеница – Челопек, ДПД Дојран и ДПД Кичево.
Првиот ден од кампусот беше изведена настава од прва помош и презентација со практично користење на ПП опрема. Вториот ден беа одржани тактичко-показни вежби на сите учесници, по сопствен избор.
Заинтересираноста за овој настан, од страна на граѓаните на Битола, беше навистина голема и има тенденција да прерасне во традиција.