Кампања „Да ја заштитиме Македонија од пожари!“

На 26ти Мај 2011година, со почеток во 12 часот, Противпожарниот сојуз на Македонија во соработка со Дирекцијата за заштита и спасување ја организираа кампањата „Да ја заштитиме Македонија од пожари“.

На плоштадот Македонија во Скопје беше поставен штанд каде што беше изложен пропагандниот материјал од оваа кампања. Пред граѓаните беа претставени постерите и флаерите за кампањата, а околу 1000 флаери беа поделени на минувачите. Истотака, во кампањата покрај заштитата на шумите од пожари, беше нагласен и јубилејот 175 години организирана противпожарна заштита во Македонија.

Во кампањата покрај ПСМ и ДЗС, учествуваа и претставници од Ј.П. „Македонски шуми“, локалната самоуправа, претставници на неколку ОППС-и и др.

Во исто време,во речиси сите градови во Македонија, беа организирани исти вакви манифестации, што воедно претставува досега најмасовна камања организирана од ваков вид.